தேவையானவை: பாசுமதி அரிசி – 2 கப், பெரிய வெங்காயம் – 2, தக்காளி – 3, பச்சை மிளகாய்- 2, புளித்த தயிர் – அரை கப், எலுமிச்சம்பழச் சாறு – ஒரு டேபிள்ஸ்பூன், மிளகாய்தூள் – ஒரு டீஸ்பூன், மஞ்சள்தூள் – கால் டீஸ்பூன், இஞ்சி + பூண்டு விழுது – ஒரு டேபிள்ஸ்பூன், புதினா, மல்லித்தழை – தலா ஒரு கைப்பிடி, உப்பு – தேவையான அளவு, கேரட் – 1, உருளைக்கிழங்கு -1, பட்டாணி – ஒரு கைப்பிடி. தாளிக்க: பட்டை – ஒரு துண்டு, லவங்கம் – 3, ஏலக்காய் – 4, எண்ணெய் – 2 டேபிள்ஸ்பூன், நெய் – ஒரு டேபிள்ஸ்பூன்.
செய்முறை: நறுக்கிய தக்காளி, புதினா, மல்லித்தழை, இஞ்சி + பூண்டு விழுது, பச்சை மிளகாய், மிளகாய்தூள், மஞ்சள்தூள், உப்பு ஆகியவற்றை தயிரோடு சேர்த்து 2 மணி நேரம் ஊற வையுங்கள். அரிசியைக் கழுவி, இரண்டரை கப் தண்ணீரில் ஊறவையுங்கள். எண்ணெயைக் காயவைத்து, பட்டை, லவங்கம் தாளித்து, வெங்காயம் சேர்த்து வதக்குங்கள். வதங்கியதும், தயிரையும் ஊறவைத்த பொருட்களையும் அப்படியே சேருங்கள். எண்ணெய் பிரியும் வரை கிளறுங்கள். பச்சை வாசனை போய், எண்ணெய் பிரிந்து வந்ததும் அரிசியை ஊறவைத்த தண்ணீருடன் சேருங்கள். ஒரு விசில் வந்ததும், தீயைக் குறைத்து ஐந்து நிமிடம் வைத்திருந்து இறக்குங்கள்.