கனடிய நிகழ்வுத்தொகுப்பு
தமிழ் வருடத்தின் முதல் மாதம் சித்திரை ஆகும். இம்மாதத்தோடு வசந்த காலம் நிறைவடைகிறது. மேலும் சித்திரை மாதப் பிறப்பை ‘சைத்ர விஷூ புண்ணிய காலம்’ என்பார்கள். ராசி மண்டலத்தில் முதல் ராசியான மேஷத்தில் சூரியன் பிரவேசிப்பது, சித்திரை முதல் நாள். சூரியன் மேஷத்தில் சஞ்சரிக்கும் காலம் சித்திரை. பல்குண-சைத்ர மாதமாகிய சித்திரையை ‘வசந்த ருது’ என்பார்கள்.
சூரியன் இம்மாதத்தில் தான் உச்சநிலையினை அடைந்து அக்னி நட்சத்திரம் ஆரம்பமாகிறது. சித்திரை மொத்தம் 31 நாட்களைக் கொண்டுள்ளது.
கனடாவில் கடந்த பல ஆண்டுளாக வெற்றிகரமாக இயங்கிவரும் சலங்கோதயம் நடனப் பள்ளியின் 30வது ஆண்டுவிழா நடன நிகழ்வுகள் அண்மையில் ஸ்காபுறோ சீனக் கலாச்சார மண்டபத்தில் சிறப்பாக நடைபெற்றது.சங்கீத மேதை அருண் கோபிநாத் அவர்களின்; இனிய குரல் வளத்துடன் கூடிய பாடல்களும், வயிலின் வித்துவான் திரு.ஏ. ஜெயதேவன் ஆகியோரது பக்க வாத்திய இன்னிசைகளும் நாட்டிய நிகழ்வுகளுக்கு மெருகூட்டின.
கனேடியப் பிரதமர் ஜஸ்டின் ட்ரூடோ, கனேடியத் தமிழர்களுடன் சேர்ந்து தைப்பொங்கல் கொண்டாடியுள்ளார்.
ரொறன்ரோவுக்கு அருகே உள்ள மார்க்ஹம் (Markham) பகுதியில் பானையில் பொங்கல் பொங்கி அறுவடைத் திருநாளை அவர் குதூகலமாகக் கொண்டாடினார்.
கொண்டாட்ட நிகழ்ச்சியின்போது எடுக்கப்பட்ட ஒளிப்படங்களையும் பிரதமர் ட்ரூடோ சமூக வலைத் தளங்களில் பகிர்ந்து மகிழ்ந்துள்ளார்.
வி.என்.மதிஅழகன் “சொல்லும் செய்திகள்” நூல் அறிமுகம்விழா கடந்த சனிக்கிழமை ஸ்காபரோ சிவிக் சென்ரர் மண்டபத்தில் இடம்பெற்றது. குறிப்பிட்ட நேரத்துக்கே முழுமையாக நிறைந்து விட்ட சபா மண்டபத்தில் இலக்கியத்துறை சார்ந்தவர்கள், கல்விமான்கள், கலைத்துறை சார்ந்தவர்கள், ஊடகம் சார்ந்தவர்கள், அன்பான உறவுகள், தமிழ் ஆர்வலர்கள் என பலரும் கலந்து சிறப்பித்திருந்தார்கள்.மதிஅழகனின் நீண்டகால ஊடக நண்பரும், தமிழ் ஒலி, ஒளிபரப்புத்துறை மற்றும் கலைத்துறையின் முன்னோடியுமான பி.விக்னேஸ்வரன் அவர்களின் தலைமையில் நூல் அறிமுக விழா இடம்பெற்றது.
மருத்துவர் போல் ஜோசேப் அவர்களின் “நலம் நலம் அறிய ஆவல்” “அகவிதைகள்” ஆகிய இரு நூல்களும், “வருமுன் காப்போம்” நலவாழ்வு இறுவட்டு வெளியீட்டு நிகழ்வு கடந்த வாரம் மிடில்பீல்ட், பின்ஞ் அவென்யூ சத்திய சாயிபாபா மண்டபத்தில் நடைபெற்றது. வருகை தந்தவர்களின் மனம் போல் மண்டபமும் நிரம்பி வழிந்தது. மங்கல விளக்கேற்றல், தமிழ்தாய் வாழ்த்து, கனடிய தேசிய கீதம், குறளோசை வாழ்த்துப் பாடல், வரவேற்புரை அனைத்தும் நிறைவு பெற ஆய்வுரைகள் தொடங்கின.
ஸ்ரீரஞ்சனி விஜேந்திரா எழுதிய இரண்டு நூல்களின் வெளியீடும், அந்த நூல்கள் பற்றிய கலந்துரையாடலும் ஒக்ரோபர் 6ம் திகதி அன்று ஸ்காபோரோ நகரசபை மண்டபத்தில் நிகழ்ந்தது.சங்கரி விஜேந்திராவின் வரவேற்புரையுடன் ஆரம்பமான இந்த நிகழ்வுக்குத் தலைமை வகித்த கோதை அமுதன் அவர்கள் நிகழ்வைச் சிறப்பாக ஒருங்கமைத்திருந்தார். அகணி சுரேஸ், மீரா பாரதி, சுடர், கெளசலா ஆகியோர் ஸ்ரீரஞ்சனியின் ‘பின் தொடரும் குரல்’ என்ற கட்டுரைத் தொகுதி பற்றிய தமது கருத்துரைகளை வழங்கினர். ஸ்ரீரஞ்சனியின் ‘உதிர்தலில்லை இனி’ என்ற சிறுகதைத் தொகுப்புப் பற்றிய தமது கருத்துரைகளை மயூ மனோ, நிரூபா, மெலிஞ்சி முத்தன், மைதிலி தயாநிதி ஆகியோர் வழங்கினர்.
கனடி தமிழ் சமூகத்தின் மத்தியில் சிறந்த நாடக தயாரிப்பாளர்களும், ஆளுமை மிக்க நடிகர்களும், ரசனையுள்ள ரசிகர்களும் உள்ளார்கள் என்பதை நிரூபித்த மனவெளி கலையாற்றுக்குழுவின் இவ்வாண்டின் அரங்காடலில் அரங்கேறிய "ஒரு பொம்மையின் வீடு" நாடகம் நாடக உலகின் நாயகன் ஹென்றிக் இப்சனின் நாடகத்தை தமிழாக்கித் தந்து நிமிர்ந்து நிற்கின்றார் பி.விக்னேஸ்வரன். தங்கள் நடிப்பாற்றலால் உயர்ந்து நிற்கின்றார்கள் நடிக நடிகைகள் மனவெளி கலையாற்றுக்குழுவின் நிர்வாகிகள். நல்லதோர் படைப்பை அரும்பாடு பட்டு எமக்களித்து இறும்பெய்த வண்ணம் புன்னகையுடன் பவனி வருகின்றார்கள்.
இன்று ஜனவரி மாதம் 27ம் திகதி சனிக்கிழமை Tamil Alumni Sports Club of Canada(TASCC) விளையாட்டுக் கழகத்தினால் நடாத்தப்பட்ட 35 வயதிற்கு மேற்பட்ட ஆண்களுக்கான இரட்டையர் பிரிவுகளுக்கிடையே பூப்பந்தாட்ட போட்டிகள் கனடாவின் ஸ்காபுரோ பிரதேசத்தில் அமைந்திருக்கும் " Epic Sports Centre" இல் நடைபெற்றது.
ஸ்காபுறோ தமிழர் மரபுரிமை நாள் விழாவில் கனடியப் பிரதமர் பெருமிதம்
தைப்பொங்கலையும் கொண்டாடும் ஒரு நாடாக எமது கனடா பல்கலாச்சாரக் கோட்பாடுகளோடு சேர்ந்து உயர்ந்துள்ளதைக் காண்பதில் நான் மகிழ்ச்சியடைகிறேன். இவ்வாறான வளர்ச்சியை நாம் அடைவதற்கு எமது மக்கள் பல்லின கலாச்சாரத்தையும், பண்பாட்டையும் மிகவும் மதிப்பதே காரணம் என்பதையும் நான் நன்கு உணர்கின்றேன். இவ்வாறு கடந்த செவ்வாய்கிமையன்று ஸ்காபுறோ கொன்வென்சன் மண்டபத்தில் நூற்றுக்கணக்கான தமிழர்கள் கூடியிருந்த மாபெரும் வைபவத்தில் கனடியப் பிரதமர் கௌரவ ஜஸ்டின் ரூடுடோ பெருமிதத்தோடு கூறினார்.
எழுத்தாளர் ஸ்ரீரஞ்சனி விஜேந்திரா எழுதிய நான்கு நூல்களின் வெளியீடு ஜனவரி மாதம் 7ம் திகதி ஞாயிற்றுக்கிழமை மாலை 3 மணியளவில் ஸ்கரபறோ நகரசபை மண்டபத்தில் நடைபெற்றது. இந்நிகழ்வுக்கு வைத்திய கலாநிதி மைதிலி தயாநிதி அவர்கள் தலைமைதாங்கி தலைமையுரையினையும், வெளியீட்டுரையினையும் அவரே வழங்கினார். தமிழ்த்தாய் வாழ்த்தினை சாமந்தி யோகநாதன் இசைக்க. சபையோரை எழுத்தாளரின் புதல்வி சங்கரி விஜேந்திரா வரவேற்று பேசினார். அமுதே தமிழே என்ற பாடலை அபிநயா பவனும், நிற்பதுவே நடப்பதுவே என்ற பாரதி பாடலை சாகித்தியா ஸ்ரீரஞ்சனும் மிக அழகாகப் பாடி சபையோரின் கரகோஷங்களைப் பெற்றார்கள்.
எங்கள் பேரன்புக்கும், பெருமதிப்பிற்கும் உரிய வாசகர்கள், உறவுகள், ஊர்மக்கள், புலம்பெயர் வாழ் அனைத்து தமிழ் உள்ளங்களுக்கும் எங்கள் இனிய புத்தாண்டு வாழ்த்துக்கள் "எல்லோரும் எல்லாம் பெற்று இன்பம் பொங்கும் சுபீட்சம் நிறைந்த ஆண்டாக 2018 மலரட்டும்"
கனடாவில் இயங்கிவரும் கொய்யாத்தோட்டம் கனடா சங்கம் நடாத்திய வருடாந்த குளிர்கால ஒன்றுகூடல் மற்றும் இராப்போசன விருந்து ஆகியன கடந்த சனிக்கிழமை மாலை ஸ்காபுறோவில் அமைந்துள்ள"The Estate Banquet Hall" மண்டபத்தில் நடைபெற்றது.
பிரதம விருந்தினராக பொறியியலாளர் திரு.ஜெயக்குமார் மற்றும் சிறப்புப் பேச்சாளராக கனடா உதயன் பிரதம ஆசிரியர் திரு.ஆர்.என்.லோகேந்திரலிங்கம், கனடிய நாடாளுமன்ற உறுப்பினரான ஹரிஆனந்தசங்கரி, ரொறொன்ரோ மாநகர உறுப்பினர் நீதன் சாண் ஆகியோர் சிறப்பு விருந்தினர்களாகக் கலந்துகொண்டு சிறப்பித்தனர்.
இலங்கைக்கு அடுத்த படியாக புலம் பெயர்ந்த தமிழர்களின் தாயகமாக விளங்குகின்ற கனடாவில் மிகவும் பெறுமதி மிக்கதும், பெருமை கொள்வதுமான தமிழ் மிரர் மாதாந்த பத்திரிகையின் 12வது வருடாந்த நிகழ்வு அண்மையில் மெற்றோ பொலிற்றன் நிலையத்தில் நடந்தேறியது. "Tamil Mirror" என்ற ஆங்கிலப் பத்திரிகையின் வரவுடன் தான் கனேடிய நீரோட்டத்தில் தமிழர்களின் நிகழ்வுகள் கலக்க ஆரம்பித்தன. தமிழ் மக்களின் உண்மையான பிரதிபலிப்பு (Reflect the Tamil Community) இதன் மூலமே சாத்தியமாயிற்று. இதன் நிறுவனர், பிரசுரிப்பாளர், பிரதம ஆசிரியர் ஆகிய முக்கிய பொறுப்புக்களை வகிப்பவர் சார்ள்ஸ் தேவசகாயம் ஆவார்.
இன்று டிசம்பர் மாதம் 26ம் நாள் இல.635 மிடில்பீல்ட் வீதியில் அமைந்துள்ள கனடா ஸ்ரீ ஐயப்பன் இந்து ஆலயத்தில் மிக பக்தி பூர்வமாக நடை பெற்ற நெய் நிரப்பும் நிகழ்வில் பக்தர்கள் பெருந்திரளாகக் கலந்து கொண்டு பக்தியுடன் சாமிமார்களுக்கு சிறியவர் பெரியவர்களென நெய் நிரப்பி வணங்கினார்கள். இந் நிகழ்வு பக்தர்களின் சௌகரியத்தை மனதில் கொண்டு இரு நாட்கள் நடைபெற்றது.
மெல்லிசை ரசிகர்களின் கரம்பற்றி மெல்ல அழைத்து வந்து சாஸ்திரிய நதியில் நீராட்டும் இசையரங்கம் வழங்கிய இருபத்தி நான்காவது இசைக்கு ஏது எல்லை. இசைப்பிரவாகத்தில் ஒரு புதிய பரிமாணம். நவம்பர் 12, 2017 ஞாயிற்றுக்கிழமை மாலை 6.00 மணிக்கு சென்ரானியல் கல்லூரிக் கலையரங்கில் பல இசை ரசிகர்களின் மத்தியில் இனிதே நடைபெற்றது. நிகழ்வை மிக நேர்த்தியாக இலங்கதாஸ் தொகுத்து வழங்கியிருந்தார்.